Aktori Colin Farell është nderuar nga komuniteti irlandezo-amerikan në Los Anxheles, në ceremoninë e ndarjes së çmimeve Oscar Wilde Awards.
Aktori, nga qyteti irlandez i Dublinit, që ka spikatur me filmat "Minority Report", "The Recruit", "Miami Vice", etj, udhëtoi nga Nju Jorku për të tërhequr çmimin që iu atribua.
Në fjalimin e tij, Farell falenderoi prindërit që e kanë bërë atë gjenetikisht një irlandez dhe Shtetet e Bashkuara për mundësitë që iu ofruan në kinema.
Çmime të tjera iu dhanë edhe artistëve Michele Burke, fituese e çmimit Oscar dhe Michael Burns, zv.president i studios kinematografike "Lionsgate".

Tom Hanks asnjëherë nuk ka thënë se Kosova është Serbi dhe as që një ditë do të jetë e tillë. Raportimet e medieve serbe i ka përgënjeshtruar ekskluzivisht për “Kohën Ditore” zëdhënësja e yllit hollivudian, Leslee Dart. Ajo ka thënë se lajmi  “Tom Hanks i mbron serbët: Kosova është Serbi”, është krejt i pavërtetë.

“Ky lajm është krejtësisht një trillim. Tom Hanks asnjëherë nuk e ka thënë këtë. Ju lutem mos shkruani asgjë për këtë, meqë ai asnjëherë nuk e ka thënë një gjë të tillë”, ka thënë ajo, pasi ka mësuar nga gazeta për raportimet e mediave serbe. Por jo vetëm kaq. Pasi gazeta ia ka dërguar linkun me versionin anglisht të lajmit që është shpërndarë gjithandej,Dart, nëpërmjet përgjigjeve me e-mail, ka dhënë edhe sqarime shtesë. Ajo po ashtu e ka mohuar lajmin se ylli hollivudian është duke realizuar ndonjë film me Steven Spielbergun për historinë e Izraelit. Mediat serbe kishin raportuar se deklaratën për Kosovën e kishte dhënë në një intervistë për televizionin kabllor amerikan “E”, ku ai raportohej se kishte folur për një dokumentar që trajton fatin e hebrenjve dhe këtu e kishte bërë lidhjen edhe me “dëbimin e serbëve nga Kosova”.

Megjithëkëtë, Hanks nuk do të dalë me ndonjë koment publik për këtë çështje.

“Jo, z. Hanks nuk do ta komentojë këtë. Kjo është plotësisht e pavërtetë. Tom Hanks nuk e ka thënë asnjëherë një gjë të tillë. Dhe as ai, as z. Spielberg nuk janë duke bërë ndonjë film ose dokumentar për historinë e Izraelit”, ka thënë Dart.

“Kjo krejtësisht është një trillim”, ka përsëritur ajo.

Gjatë ditës së martë, nëpër medie serbe gjithandej ka qenë i shpërndarë lajmi me titull “Tom Hanks i mbron serbët: Kosova është Serbi”. Por, askund nuk është parë versioni origjinal i intervistës që thuhet se ai ka dhënë për televizionin kabllor amerikan, “E”. Ueb faqja “theorthodoxchurchi.info”, me seli në Los Angeles që e ka shpërndarë më të madhe këtë artikull, të hënën i kishte thënë “Kohës Ditore” se burimi i këtij artikulli janë mediet serbe.

“E kemi përkthyer nga një burim serb”, kishte thënë George Alexander, nga ky rrjet amerikan e në të cilin shumica e mediave serbe bazohen si burim i parë i informacionit. “Korrespodenti ynë nga Serbia e ka përkthyer për ne. Nuk kemi më shumë detaje, por nëse kemi diçka më shumë do t’ju njoftojmë”, ka shkruar Alexander teksa krejt në fund kishte shtuar: “E dini, Tom Hanks është konvertuar në ortodoks”.



“Ylli i famshëm hollivudian, fitues i dyfishtë i çmimit ‘Oscar’, aktori Tom Hanks, papritur ka dalë në anën e serbëve në spektaklin e televizionit kabllor ‘E’ dhe ka thënë se Kosova gjithmonë ka qenë Serbi dhe kështu një ditë do të bëhet sërish. Duke folur për fillimin e xhirimeve për një spektakël hollivudian për historinë e shtetit të Izraelit, të prodhuar nga Steven Spielberg, ku ai luan rolin kryesor, ai ka krahasuar vuajtjet e Golgotës dhe të hebrenjve me vuajtjet e serbëve të Kosovës”, është shkruar në lajmin e publikuar fillimisht në “theorthodoxchurchi.info”, i shpërndarë më pas gjithandej nëpër media serbe.

“Gjatë Luftës së Dytë Botërore hebrenjtë kanë vuajtur shumë nga Holokausti e të mos flas se çfarë ka ndodhur qindra vjet më herët. Përkundër kësaj, ata asnjëherë nuk e kanë humbur besimin dhe e kanë kthyer prapë shtetin e tyre. Ata kanë një mijëvjeçar të tërë që përshëndetin njëri - tjetrin duke thënë ‘shihemi vitin tjetër në Jerusalem’. Rastin e njëjtë e kemi edhe sot, kur bëhet fjalë për Kosovën. Atje dikur kanë jetuar serbët, kanë ngritur manastiret dhe kanë pasur mbretërit e tyre e pastaj erdhën shqiptarët dhe i dëbuan serbët. Në fund të shekullit XX, mbi serbët kanë rënë bombat e NATO-s, por ata ende nuk duan ta pranojnë që Kosova është shtet i pavarur dhe thonë “Kosova është Serbi”, njashtu siç kanë thënë dikur hebrenjtë të cilët më në fund megjithatë u kthyen në tokën e tyre e mbase kështu do të ndodhë edhe me rastin e serbëve”, ka qenë deklarata që i ishte montuar fituesit të dyfishtë të çmimit “Oscar”.

Por kjo nuk është hera e parë që emri i yllit hollivudian Tom Hanks përfshihet në polemikën rreth Kosovës e Serbisë. Ngjashëm nuk është as hera e parë që yjeve të Hollywoodit u është dashur të përgënjeshtrojnë mediet serbe.

Pesë vjet më parë, gati e njëjta histori kishte ndodhur me George Clooneyn, kur mediat serbe raportonin se ai kryesonte një grup aktorësh të njohur të cilët do të protestonin kundër pavarësisë së Kosovës, në janar të 2008-s, gati një muaj para shpalljes së pavarësisë. Në listën e “protestuesve” ishte futur edhe Hanks përderisa kryesuese e protestës bashkë me Clooneyn ishte edhe Sharon Stone. Gazeta serbe “Press Online” shkruante se përveç Clooney, Stone dhe Hanks, kundër pavarësisë ishin edhe Michael Douglas, Robert de Niro dhe Johnny Depp.

Tom Hanks, në tetor të 2011-s në Berlin u takua me ministrin e Punëve të Jashtme të Kosovës, Enver Hoxhaj. Ky i fundit i kishte bërë ftesë aktorit me nam që ta vizitonte Kosovën. Hoxhaj, të hënën, në ditën kur u publikua lajmi “Tom Hanks i mbron serbët: Kosova është Serbi”, i kishte thënë gazetës se nuk e beson një lajm të tillë

Të gjithëve ju kujtohen akuzat e Rob Kardashian ndaj Rita Orës, me kulmin se ajo e kishte tradhtuar me 20 meshkuj.

Muaj pas ndarjes ish i dashuri i Rita Ora, Rob Kardashin ka shpjeguar arsyet pse e ka bërë.
“E kam bërë për tu siguruar se ajo kurrë nuk do të kthehej më tek unë”- ka thënë Rob gjatë një serie të showt të tij televiziv.
Të gjitha mesazhet e tij në Twitter, ku ai akuzonte Rita Orën, Rob ka thënë se ishin një taktikë mbrojtëse. Duhet ta bëja këtë, pasi doja që ajo të më urrente, është shprehur Rob.
Rita Ora dhe Rob Kardashian u ndanë në dhjetor të vitit të kaluar.

Jon Bon Jovi është i ngarkuar me detyrën për të mësuar aktorin Tom Cruise se si të bëhet një yll roku.
Cruise i është drejtuar këngëtarit të famshëm kur pranoi ofertën për të interpretuar në filmin ‘Rock Of Ages’ në mënyrë që Bon Jovi t’i jepte disa leksione dhe ta bënte sa më të besueshëm personazhin e tij.
“Qetësohu, ti je Tom Cruise dhe nuk e ke problem të mësosh se si këndohet një këngë”, kujton Bon Jovi fjalët që i ka thënë aktorit.
Muzikanti shprehet i kënaqur me rezultatet e punës dhe thekson se për asnjë moment personazhi i interpretuar nga Cruise nuk të jep përshtypjen e një karikature, por është shumë real.

Cheryl Cole ka kaluar vikendin me ish-burrin e saj, Ashley, dhe kanë përfunduar se më së miri është të pajtohen. Ata dy u ndanë vitin e kaluar, ndërsa tani kanë zbuluar për miqtë se planifikojnë të blejnë pronë jashtë vendit, që në afat prej dy vjetësh të kenë fëmijë.
Megjithatë, kusht për vazhdimin e romancës së tyre është që futbollisti i njohur të dëshmojë se nuk do të mashtrojë më Cherylin.
Cheryl dhe Ashley Cole, siç njoftojnë mediet britanike, kaluan vikendin së bashku me miqtë e tyre.

Pas ndarjes me Sai Vejtsin, pronarin e dy klubeve në Las Vegas, Paris Hilton është parë në një takim me Tod Philipsin, regjisor i  filmit "Përgjumja”.
Trashëgimtarja e zinxhirit hotelier "Hilton", Paris, ka një dashnor tjetër me të cilin është parë në klubin  "Beacher's Madhouse".
Sipas fjalëve të atyre që i kanë parë, Paris dhe Tod nuk kanë qenë aspak diskretë, madje ata edhe janë puthur dhe e kanë shikuar shumë gjatë  njëri-tjetrin.
Paris në muajin e shkuar e ka ndërprerë lidhjen e vett 18 mujore me Saj Vejtsin i cili i ka dy klube shumë të njohuar në Las Vegas e me rastin e ndarjes ajo kishte thënë se kanë ruajtur raporte të mira
Saj është djalë i mirë. Me vite jemi miq dhe ky raport nuk do të ndërrojë. Tani unë kam nevojë të jem e vetme dhe të mendoj për çdo gjë. Kam vetëm fjalë të mira për të”, tha Hilton.

Me singlen dhe sportin "Run The World (Girls)", Beyonce ka paralajmëruat albumin e saj të katërt, i quajtur "4". Single i dytë aktual zyrtar është "Best Thing I Never Had".
"Albumi quhet '4' për arsye se ky është albumi im i katërt, por edhe për arsye se ky numër është më i dashuri për mua që nga fëmijëria. Jam martuar më 4 prill, kam lindur më 4 shtator, burri im është i lindur më 4 dhjetor, nëna ime ka lindur më 4 janar... Shumë para kam fituar duke përdorur numrin 4 – kur kam luajtur rulet – gjë që nuk e bëj shpesh. Ky është vërtetë numri im i fatit" – zbuloi Beyonce.
Albumi është incizuar më gjatë se një vit, më saktësisht ndërmjet pranverës së vitit 2010 dhe pranverës së vitit 2011, kur Beyonce për një kohë të shkurtër qe tërhequr nga skena.
Këtë kohë ajo ia kushtoi vetes dhe kënaqësive të thjeshta – ka dëgjuar muzikë që e ka kënaqur dhe kjo do të reflektohet edhe në albumine  saj të ri, transmeton Jutarnji hr.
CD sjell 12 këngë të reja: 

• 1. 1+1
  
  2. I Care
  
  3. I Miss You
  
  4. Best Thing I Never Had
  
  5. Party Ft. Andre 3000
  
  6. Rather Die Youn
  
  7. Start Over
  
  8. Love on Top
  
  9. Countdown
  
  10. End of Time
  
  11. I Was Here
  
  12. Run the World (Girls)

Krahas 12 këngëve të reja, përfshihet edhe bonus CD-ja me gjashtë këngë të tjera:
Lay up under me, Scoolin` Life,  Dance For You i  tre remixa të cinglit të paralajmëruar Run The World (Girls): Kaskade Club Remix, Redtop Club Remix dhe  Jochen Simms Remix.

Pop ylli Lady Gaga ka paralajmëruar se vitin e ardhshëm serish do te realizoj turneun botëror. “Veçse kam plane. Aq shume jam e entuziazmuar sa qe nuk me zënë gjumi natën”, ka thënë Gaga. Këngëtarja ka shtuar se frika e saj me e madhe është fakti qe do te largohet nga familja. “E vetmja gjë e cila me frikëson është qe do te humbas momentet e veçanta me familjen time, pasi qe udhëtoj shume. Për këtë arsyeje çdo dite u telefonoj prindërve”, shprehet Gaga. Qysh nga viti 2009, Lady Gaga ka qene ne turneun “Monster Ball”.

Tabloidi amerikan “Globe” ka publikuar lajmin dramatik për shpërbërjen e familjes presidenciale amerikane.
Sipas këtij burimi, zonja e parë amerikane, Michelle Obama, dëshiron ta braktisë bashkëshortin, presidentin Barack Obama, dhe tashmë ka filluar të paketojë gjërat e saj e të vajzave. Michelle i ka thënë Barackut se është “ngopur nga gjithçka” dhe dëshiron të largohet nga Shtëpia e Bardhë.
Sipas tabloidit amerikan, problemet martesore të familjes Obama nisën më herët gjatë këtij viti, kur Barack dhe Michelle u grindën rreth asaj nëse do të kenë edhe një fëmijë.
“Michelle ia theu zemrën burrit të tij kur refuzoi të ketë edhe një fëmijë”, ka thënë një burim i paemëruar, i afërt me familjen presidenciale. Nëse ky shkrim në tabloidin amerikan është i vërtetë, pritet të shihet.
Shtëpia e Bardhë akoma nuk deklaruar zyrtarisht për këtë çështje.

Ikona e Popit, Lady Gaga dhe artistë të tjerë ndërkombëtarë të muzikës pushtuan arenën pranë Tokios në një koncert bamirësie në mbështetje të viktimave të tërmetit dhe cunamit shkatërrues që goditi Japoninë në 11 mars. Evenimenti i organizuar nga MTV, i quajtur “Video Music, ndihmë Japonisë”, u mbajt rreth 360 km në jugperëndim të qytetit të dëmtuar të Sendait, transmeton BalkanWeb. Lady Gaga i dha start spektaklit me një hapje magjepsëse me hitin e albumit të saj të fundit "Born This Way".
Albumi arriti majat e klasifikimeve në Britani muajin e kaluar, ndërsa ka shitur më shumë kopje se të gjithë albumet e 10-shes më të mirë, të marra së bashku. Në vend të çmimeve për artistët, ndërprerjet mes performancave u mbushën nga yjet japoneze që shprehnin mbështetje për të mbijetuarit e katastrofës natyrore. Në skenë zbritën edhe banda e djemve japonez Tokio Hotel, dhe grupi i vajzave AKB48, ku të gjitha ishin veshur me uniforma shkolle, ndërsa kënduan e kërcyen në një koreografi të sinkronizuar.
Rreth 10 mijë fansa të muzikës qëndruan për orë të tëra në radhë përpara arenës që të ndiqnin spektaklin. Organizatorët thanë se një pjesë e të ardhurave do t’i dhurohen Kryqit të Kuq japonez dhe do përdoren për rindërtimin e qyteteve të dëmtuara nga cunami.

Blake Lively e ka ditur gjithnjë që do të fejohej me yllin e “Titanic” dhe altari mund të mos jetë shumë larg.
Aktorja e bukur që u bë e njohur me serinë televizive “Gossip Girl”, që e vogël kishte një poster të Leonardo Di Caprio në dhomën e saj dhe në një intervistë të 2008-n shprehej: “Në moshën nëntë vjeçare pata një parashikim që do martohesha me të”.
Edhe pse miqtë e aktorit thonë se do të jetë e vështirë, ajo vazhdon të ndjekë instiktin e saj dhe faktikisht ëndrra është realizuar.
Lively dhe Di Caprio janë bashkë për më shumë se një muaj. Ata janë parë teksa bënin gjeste intime në jahtin e Steven Spielberg në brigjet e Kanës dhe më pas me pushime në Portofino, Verona dhe Venezia.
“Është me të vërtetë i dashuruar me Blake – ka bërë të ditur një mik i tij - nuk është ndjerë asnjëherë më parë. Është shumë i lumtur”.
36 vjeçari protagonist i “The Departed” prej pak kohësh ka lënë modelen izraelite Bar Refaeli për Lively, 13 vjet më e re se ai.

Trashëgimtari i fronit britanik, princi Charles, dhe partnerja e tij shumëvjeçare, Camilla Parker Bowles, me të cilën është martuar në prill 2005, do të ndahen. Informacionin për divorc e ka publikuar tabloidi amerikan “Gloub”, i cili shkruan se çifti ka vendosur t’i jap fund lidhjes pasi nuk pajtohen që një kohë të gjatë. Kur të ndahen duhet të ndajnë pasurinë, e cila vlerësohet në rreth 300 milionë dollarë.
Pallati mbretëror britanik akoma nuk ka lëshuar një deklaratë zyrtare.

Qindra fansa të këngëtarit 17 vjecar ishin mbledhur pranë Macys, rrjetit të shitjeve të aksesorëve të ndryshëm, mes të cilëve edhe parfumet, për ta parë atë nga afër. Por pikërisht kur Bieber iu afrua fansave të tij, ai sulmohet nga një persona duke u rrëzuar në tokë.
Forcat e sigurisë ndërhynë menjëherë duke e neutralizuar agresorin, ndërkohë që Bieber, shpëtoi me disa gërvishtje të lehta.
Nuk dihet shkaku i sulmit, por mediat amerikane hamendësojnë se ai mund të jetë provokuar nga deklaratat e Bieber, i cili ditë më parë u shpreh se “nuk ndalej dot së qënuri i adhurueshëm”.

Mbreti i ndjerë i muzikës pop Majkëll Xhekson është shpallur këngëtari më i mirë i të gjitha kohërave në anketën e lexuesve të revistës britanike “NME”.
Xhekson është i pari në listën e 20 top këngëtarëve me notë mesatare prej 9,02 prej 10 të mundshme. Në vendin e dytë është Fredi Merkjuri me notën 8,39.
Vendi i tretë i takoi Elvis Prislit, ndërsa vendi i katërt Eksëll Rouzit nga grupi “Gans end Rouzes”. I pesti radhitet Xhon Lenoni, ndërsa i gjashti është Dejvid Bouvi.
Në vendin e shtatë është Robert Plant, ndërsa në vendin e tetë është Poll Makartni. Derisa në pozicionin e nëntë gjendet Stivi Uonder.
Areta Frenklin është në vendin e dhjetë dhe është gruaja e vetme në mesin e dhjetë top interpretuesve të parë.
Nga pozita e 11-të deri në atë të 20-të vijojnë Met Belami, Rej Çarlls, Xhim Morison, Bob Marli, Elton Xhon, Kurt Kobejn, Stiven Tajler, Mik Xheger, Mervin Gej dhe Tina Tarner.
Votimi zhvillohej në faqen e internetit e revistës dhe në Facebook.

Aktori Brad Pitt hyn në botën e bejsbollit me filmin e tij të ri “Moneyball”. Dhe duke gjykuar nga suksesi që ka arritur treileri i këtij filmi, mund të thuhet se aktori ka goditur në shenjë. Filmi rrëfen historinë e vërtetë të amerikanit Billy Beane dhe për përpjekjet e tij për të krijuar një skuadër kampione bejsbolli, edhe pse fa fonde dhe në kushte të vështira financiare. Në vend që të zgjedhi rrugën e zakonshme, ai  përzgjedh shokun e tij të kolegjit, Peter Brand cili vjen me statistika mbi pikat e forta dhe të dobëta të lojtarëve. Filmi është shkruajtur nga skudra profesionale e  Steve Zaillian (skenaristi i Schindler’s List) dhe Aaron Sorkin (The Social Netëork) në rolet krysore të tij do të aktrojnë Pitt në rolin e Billy Beane dhe Jonah Hill në rolin e Peter Brad, aktorja Robin Ëright dhe fituesi I Oscar-it Philip Seymour Hoffman. Për filmin që do të hidhet në qarkullim në snëntor të këtij viti, po dalin “zëra” parashikues që mund të jetë fitues i çmimit Oscar.

Selena Goomez, e dashura e adoleshentit Justin Bieber, është rikthyer në skenë me paraqitjen në “Good Morning America”, pas sëmundjes që kishte pësuar nga ushqimi jo i duhur.
Aktorja dhe këngëtarja vet kishte deklaruar se ushqimi i saj jo i mirë e ka bërë që ajo të ngrejë vet dyshimet për shtatzëni, të cilat në fakt ishin spekulime pa bazë.
Aktualisht Selena është duke promovuar filmin e saj të ri “Monte Carlo” së bashku me kolegen në film Leighton Meester, ndërsa Gomez fajësoi pikërisht Meester pasi ishte ajo që e detyroi të ushqehej me çokollatë “Nutella”.

Manekinia jug-frikane Natasha Barnard me seksi bikini ka pozuar për magazinën FHM dhe ka treguar trupin dhe bukurinë e saj.
Kjo bukuroshe e njohur si Wonderbra Girl është e lartë 1.76 cm dhe masat e saja trupore janë 86-62-91.
Magazina jug-afrikane FHM këtë bukuroshe e ka renditur në vendin e tretë nga 100 femrat më seksi në botë, transmeton Yllpress.

Ylli i Real Madridit, Cristiano Ronaldo me të dashurën e tij, Irina Shayk ka mbërritur sot në Stamboll.
Ai ka shkuar atje me ftesë të presidentit të klubit Besiktas, Yildirim Demiroren.
Ronaldo ka fluturuar me një aeroplan privat dhe është pritur në aeroport nga shumë fansa të cilëve u ka dhënë nënshkrime. Më pas, është vendosur në një hotel luksoz dhe do të kalojë tri ditë pushime në bregdetin turk në një jaht privat.