Thesari me vlerë disa miliarda dollarë është gjetur në themelet e një tempulli hindus në jug të Indisë.
Bizhuteritë nga ari dhe argjendi, monedha të arit dhe gur të çmuar vlerësohen sipas analizave të para mbi 500 miliardë rupi (11 miliardë dollarë), ka njoftuar ministri i Brendshëm i shtetit Keral të Indisë.
Mijëra qafore, lira ari dhe gurë të çmuar janë gjendur në pesë vende në tempullin Sri Padmanahawami që i kushtohet zotit Vishna dhe të njohur me skulpturat e tij.
Tempulli është ndërtuar para shumë shekujsh, ndërsa thesari i gjendur tash është dhuratë e besimtarëve.

Pasi ishin përpjekur për tre vite, Julia Governburg dhe i shoqi, Todd, ishin duke marrë në konsideratë adoptimin e një fëmijë. Por në një përpjekje të fundit për të pasur një fëmijë, ata bënë një tentativë të fundit dhe ajo rezultoi fatlume. Megjithatë, për shkak se ishin lodhur kaq shumë për të ngjizur një fëmijë, ajo ngeli sërish shtatzënë pas dy javësh, duke shokuar krejt botën me lajmin e pazakontë.
Ajo është një nga 11 gratë në botë që ka mbetur shtatzënë ndërsa ishte shtatzënë. Bebet e saj kanë lindur në të njëjtën ditë, por nuk konsiderohen binjakë.

Të fitosh 11 milion euro të ndryshojnë jetën, por nuk është e thënë që të të bëjnë të jetosh më mirë se më parë. Këtë e tregon historia e 27-vjeçarit anglez, Micheal Carroll, i cili pasi fitoi një llotari në vitin 2002, sot gjendet i alkoolizuar dhe më i varfër se më parë. Historia e tij e rrallë u botua gjatë ditës nga e përditshmja britanike “Daily Star”. Ai bleu një biletë llotarie në vitin 2002 dhe fati bëri që të fitonte 9,7 milion paund, që me vlerën e sotme të këmbimit vlejnë 11,4 milion euro. Ai fitoi shumën e parave kur sapo ishte bërë maxhoren dhe menjëherë nisi të shpenzonte në mënyrën më të pabesueshme. Micheal arriti deri aty sa të shkatërronte makinat e tij luksoze në oborrin e shtëpisë, pasi nuk dinte si të kalonte mbrëmjen. Një problem tjetër ishte ai i pijes, pasi Micheal llogarit të ketë shpenzuar disa milionë në pije alkoolike, duke u bërë tërësisht i alkoolizuar. Një javë më parë, policia britanike e arrestoi duke i dhënë makinës në gjendje të dehur dhe kështu Micheal Carrol përfundoi për herë të dytë në titujt kryesor të gazetave. Pas disa vitesh duke jetuar në luks dhe duke prishur para me bixhoz dhe prostituta, sot Micheal Carroll duhet të mbijetojë duke bërë punë sociale, nga e cila do të grumbullojë më pak se 2 mijë paund duke punuar të gjithë muajin. Kjo është një formë për të fituar vetë paratë e asistencës sociale. Gjithsesi, gjykata i bëri të qartë që nëse nuk është dakord me dënimin e tij për të punuar për komunitetin, mund të shkojë të jetojë edhe në burg, pasi dhënia e makinës në gjendje të dehur është një krim penal në Britani.

Ju prezantojmë punimet e një artisti nga Zelanda e Re i cili siç shihet ka pasur mjaft durim por edhe shije në kreacionin e automobilit nga kanaqet e birrave. Ai kanaqet e birrave i përdori si lëndë të parë për krijimin e këtyre automobilave të vegjël.

Ligjet e ‘panjohura’ për martesa
Vitin e kaluar në New York është aprovuar ligji ku thuhet se nuk mund të shkurorëzohesh pa pasur faj partneri. Pas këtij ligji në Amerikë u aprovuan edhe shumë ligje tjera. Disa nga përmbajtjet më interesante që sjellin ato janë:
1.Nëse nuk mund të jesh present në darsëm atëherë mund ta lusësh dikënd të të zëvendësoj. Ky paragraf vlenë vetëm për forcat e armatosura Amerikane. Ai hzri në fuqi në Kaliforni, Kolorado, Teksas dhe Montana. Ndërsa prej këtyrë 4 vendeve vetëm Montana lejon që as dhëndrri e as nusja ‘origjinale’ të mos jenë prezent. Thjesht lejohet që nz dasëm ata të jenë prezent përmes ‘zëvendësuese”.
2. Brenda viteve 2007 dhe 2008 ka qenë në fuqi ligji për martesa nën moshën 18, mirëpo nuk është cekur asnjë moshë minimumi, thjeshtë ka mjaftuar aprovimi i prindërve. Këtë gabim ligjvënësit e kanë përmirësuar në prill të vitit 2008 duke e cekur minimumin e moshës 17 për djemtë dhe 16 për vajzat
3.Në ‘Kentucky’ është ilegale të rimartohesh me burrin e njëjtë 4 herë. Mirëpo sa i përket martesave dhe shkurorëzimeve me meshkuj tjerë mund ta bëni sa herë të doni vetëm mos ta përsërisni me të njëjtin 4 herë.
4.Nëse leni fëmijët me kujdestaren e tyre, dhe ju si bashkëshortë shkoni të darkoni diku dhe në qoftë se puthni bashkëshorten do të dënoheni. Ky është ligji I ‘çuditshëm’ aplikohet në Hartford.

Kailash Singh ka një pseudonim të spikatur: njeriu që bie më shumë erë në botë. Kjo, sepse ai ka refuzuar të lahet për 37 vjet rresht. 65-vjeçari nuk është larë dhe nuk i ka prerë flokët e tij 183 cm të gjata, që nga viti 1974, pak pasi është martuar. Duke shpjeguar zakonin e tij jo fort të pëlqyeshëm, Singh, nga provinca Varanasi, Indi, tha se një prift i kishte garantuar atij se do të lindte një djalë trashëgimtar, nëse ai do të ndiqte këshillën e tij. Megjithëse e ka ndjekur me përpikëri këshillën e priftit, fermeri ka vetëm shtatë vajza. Por, ai i lejon vetes një lloj tjetër pastrimi: “banjën e zjarrit”, që ka të bëjë me pirjen e marijuanës, lutjen ndaj zotit hindu Shiva dhe kërcimin rreth zjarrit. Familja kishte tentuar ta lante me zor, por ai kishte ikur me vrap. Edhe kërcënimet e gruas së tij, se nuk do të flejë më me të nëse nuk lahet, nuk kanë bërë punë. Me sa duket, ai nuk ka për t’u larë

Për shkak të një çrregullimi të rrallë, britanikja Poppy Shingleton fle edhe nga 7 ditë.
Kjo studente 24-vjeçare vuan nga një çrregullim i rrallë, për shkak të cilit mund të flejë në çdo kohë dhe atë deri në 7 ditë pa pushim, transmeton “Daily Mail”.
Kjo sindromë njihet si Kleine-Levin apo Bukuroshja e fjetur, ndërsa nga kjo sëmundje vuajnë vetëm një mijë njerëz në gjithë botën.
Çrregullimi i rrallë u zhvillua kur ishte 18 vjeçe, dhe për shkak të tij u detyrua të përsërisë një vit në shkollën e mesme, dhe të pushojë një vit në fakultet.
Te shumica e njerëzve ky sindrom zhduket, dhe Poppy spreson se kjo do t’i ndodhë edhe asaj.

Ky është qeni që është bërë hit në Youtube, pasi që po jep një shfaqje vërtetë njerëzore. Ai jo vetëm që po vallëzon, por po vallëzon salsa. Nuk ka faj që është kthyer në hit – shikojeni vet

Një 3-vjeçar ka shpëtuar për mrekulli, pasi ra nga kati i tetë i një pallati dhe është ndalur në kondicionerin e katit të shtatë.
Ngjarja ka ndodhur në Pekin. Fëmija ka qenë i vetëm në shtëpi dhe ka dalë në dritare. Prej andej është rrëzuar në parvaz dhe ka rënë deri në katin e shtatë, ku është penguar nga hekurat që mbanin kondicionerin.
Fqinjët thanë se ishin tmerruar nga britmat e fëmijës që kërkonte ndihmë. Fillimisht u njoftua policia, por kur e panë se po vonohej, ata vendosën ta merrnin vet situatën në dorë.
Ndërkohë që thirrjet janë dëgjuar deri në katin e parë. Dy të rinj që punoni në një dyqan janë ngjitur në apartament dhe janë kapur jashtë ballkonit, deri sa e kanë marrë fëmijën.

Edhe pse nuk është kamion i vërtetë, ai u ngjan atyre kamionëve të cilët pothuajse secili ka pasur rastin t’i shohë në filma të vizatuar, ndërsa “Flake 99” e cila qarkullon nëpër Londër, është anija e parë në botë prej së cilës shiten akulloret. Kamioni është porositur nga ana e kompanisë “Cadbury” e cila merret me prodhimin e ëmbëlsirave, me rastin e javës tradicionale britanike të akullores. Kamioni-anije është quajtur “Flake 99” sipas një ëmbëlsire, ndërsa paramendojeni atë duke lundruar në det ose në Venecia, duke freskuar të gjithë adhuruesit e gondolave.

Policia meksikane kishte arrestuar një mashkull, i cili i ishte nënshtruar një operacioni plastik për t’u shndërruar në femër dhe në këtë mënyrë t’i shmangej dënimit. Prokuroria kishte bërë të ditur se Arona Vera Morales (33 vjeçe) dyshohej se në mënyrë të paligjshme, me një kontratë shtetërore të një qendre shëndetësore, kishte përfituar rreth 200.000 dollarë. Ende nuk dihet nëse me ndihmën e operacionit e kishte ndryshuar gjininë apo vetëm pamjen e jashtme, për t’iu shmangur autoriteteve.

Osama Bin Laden bënte seks me gruan e tij për ditë të tëra pa dalë nga dhoma. Kur kthehej nga aksionet e tij, ai futej në dhomë me të shoqen, Najvën, dhe nuk dilte për ditë të tëra. E pyetur në një intervistë, e shoqja e tij e parë, Najva, me të cilën u martua kur ajo ishte 17 vjeç, tha se koha më e preferuar me terroristin ishte kur shkonin në krevat.
Najva dhe Osama kishim dhjetë fëmijë së bashku, por u divorcuan para sulmeve të 11 shtatorit. Pas sulmit mbi shtëpinë e tij më 1 maj të këtij viti, ku gjeti vdekjen, ushtarët amerikanë gjetën viagra bimore dhe materiale porno.

Don Xhonsoni, 49 vjeç, gjatë gjashtë muajve të fundit në tri kazino në Atlantik Siti ka fituar hiç më pak se dy milionë euro. Muajin e kaluar ka investuar 72 mijë euro, ndërsa brenda 12 orëve ka fituar 4,2 milionë euro. Ai për mediet amerikane ka thënë se nuk ka kurrfarë aftësie të veçantë për bixhoz dhe se vetëm ka shumë fat. Kazinotë “Saesar’s” dhe “Harrah’s” në Las Vegas dhe “Trump Taj Mahal” në Atlantik Siti ia kanë ndaluar hyrjen atij. Edhe pse është bërë milioner falë bixhozit, Doni ende e bën një “jetë të thjeshtë”. Thotë se si do që të merret vetëm me bixhoz dhe se dëshiron që të vazhdojë të luajë lojëra të fatit, njofton gazeta britanike “Daily Mail”.

Facebook-u momentalisht është rrjeti më i popullarizuar shoqëror në botë, të cilin e vizitojnë qindra miliona njerëz të të gjitha gjeneratave. Edhe pse është argëtuese të vështroni profilin e miqve të tu apo partnerit tuaj, ekzistojnë gjëra që kalojnë të gjithë kufijtë dhe shndërrohen në mani të kësaj forme të komunikimit. Shumica e atyre që posedojnë një llogari në Facebook, përdorin forma të ndryshme të komunikimit, të cilat vërtet janë irrituese dhe nuk do të duhej të përdoreshin në asnjë mënyrë në një rrjet të tillë siç është Facebook-u. Më poshtë do ta kuptoni se cilat janë tri gjërat më irrituese të cilat asesi nuk duhet t’i bëni në Facebook.
1. Bisedat seksi mbani për vete
Duke marrë parasysh se në Facebook jeni të rrethuar me njerëz shumë të afërt, askujt nuk i intereson jeta seksuale e mikut apo të afërmit. Porositë seksuale mes teje dhe partnerit tuaj, si: ‘Mezi pres të t’i shqyej brekët” apo “përgatitu për seks të zjarrtë të cilin nuk do ta harrosh kurrë, të pres e gatshme”, na besoni se nuk i interesojnë askujt. Mbani këto për porosi private dhe jo për postim në llogarinë tuaj.
2. Mjaft me fotografi!
Qindra fotografi nga shëtitjet, udhëtimet, daljet e natës dhe aventurat tuaja, në të cilat je ti dhe ai, apo ai dhe ti dhe mikesha juaj, mund të jenë tepër irrituese dhe monotone dhe nuk do t’i pëlqejnë askujt. Është mirë të dëshironi që miqtë tuaj të shohin se si argëtoheni dhe se si jeni rregulluar mirë për një argëtim të çmendur, por pas 500 fotografive me të njëjtën shprehje të fytyrës në destinacione të ndryshme, kjo shndërrohet në diçka irrituese. Një argëtim të tillë ua lëshoni fëmijëve.
3. Statuset e panevojshme
Duke surfuar nëpër Facebook, dalëngadalë filloni të ndjeheni si një mizë në murin e shtëpisë së dikujt tjetër. “Mirëmëngjesi, bëj një kafe, tash po vi”, përgjigja është: “Kur?”, “A je e gatshme për ditën e sotme?”, “Hej, unë jam e pikëlluar”, përgjigjja: “Pse?” apo “Sërish më dhemb koka”, përgjigja: “Kush të zemëron?”, këto janë postimet të cilat pas një kohe bëhen tejet qesharake. Mundohuni në vend të të shkruarit, të bisedoni dhe me komunikim të duhur, të vini deri te rezultati i dëshiruar. Thirreni personin të cilit dëshironi t’i thoni diçka dhe zgjidheni këtë në mënyrë të zakonshme: me komunikim verbal!