Published On:28 February, 2013
Posted by Vnb-Snorki
Kosova, anëtare e Këshillit për Bashkëpunim Rajonal
![](https://blogger.googleusercontent.com/img/b/R29vZ2xl/AVvXsEja6uvpnjQzOVh5lvmakSnm0fEnJ0IcEgGkdjRb3A77Q5zj1Fai1PNpvN1JsK6W-8v9fynmFJWFk_w_Cr_1YjB8ei_mFIxzvcoFfLmb4MyZ2jU8KKOzDgdyRU3W5JSG095V2EaNdLDh3SE/s200/images.jpeg)
Kosova u përfaqësua nga Zëvendësministri i Jashtëm, Petrit Selimi.
Ndërkaq, ministri i Punëve të Jashtme, Enver Hoxhaj, gjatë raportimit para Komisionit për Politikë të Jashtme, dje ka theksuar se në këtë organizatë shumë të rëndësishme rajonale do të fshihet prezenca e UNMIK-ut dhe të inkorporohet Kosova si anëtarë i ri, raporton RTK.
“Rol të madh në këtë drejtim kanë luajtur shtetet mike si sponzorues dhe financues të këtij institucioni. Jemi optimist se anëtarësimi i Kosovës në këtë kornizë të bashkëpunimit rajonal do të jetë katalizator i vërtetë në fushën e zhvillimit ekonomiko-social; infrastrukturës dhe energjisë; drejtësisë dhe punëve të brendshme; bashkëpunimit të sigurisë si dhe ndërtimit të kapitalit njerëzor dhe bashkëpunimit ndërparlamentar”, ka theksuar Hoxhaj.
Këshilli për Bashkëpunim Rajonal është organizata më e madhe rajonale dhe anëtarësimi i Kosovës në të shihet si një hap shumë i rëndësishëm drejt integrimit të Kosovës në sistemim ndërkombëtarë.