Published On:29 June, 2011
Posted by Vnb-Snorki
BMW M5, më i bukur dhe më i fuqishëm
Me emërtimin e koduar F10, M5 i ri me pamje të freskuar dhe karrocerinë e pasuruar me shtesa të ndryshme aerodinamike, e ka pamjen “e zakonshme” dhe “serioze” edhe përkundër që karakteri agresiv sportiv “shpërthen” në çdo “pore” të tij.
Para gati 25 vjet bota e pa limuzinën e parë të vërtetë sportive, automobili i cili ofronte përvojë të shkëlqyeshme dhe performanca të larta të drejtimit, dhe këtë ishte e mundshme ta përshkruanin me vetëm një emër, BMW M5.
Në mars të këtij viti, kur njeriu me emrin Chris Harris e voziti M5 e ri (atëherë nën shenjën e fabrikës F10), nga “BMW” nuk deshën të konfirmojnë se çfarë përmirësimesh mund të presim lidhur me motorin twin-turbo V8 i cili përndryshe i vë në funksion edhe modelet X6M e X5M, por megjithatë e pranuan se gjenerata e re M5 do ta ketë sistemin e ri “thithës” dhe “shkarkues”.
Motori V10 zëvendësohet nga ai V8
Agregatin impozant V10 nga modeli paraprak M5, bavarezët vendosën ta ndërrojnë me motorin twin-turbo V8. Fuqia është rritur në 552 KF, që është rritje dukshëm më e madhe në krahasim me paraprakun E60 M5 me motorin V10 i cili i zhvillonte 507 KF, ndërsa tërë fuqia e njësisë V8 është në dispozicion me rastin e 6.000 rr/min (që është për 1.750 rrotullime më pak se V10 motori).
Momenti rrotullues është rritur edhe më shumë, nga të mëparshmit 520 Nm në 720 Nm që është e mjaftueshme që “ta shtyjë” M5 e ri deri në 100 kilometra për 4.4 sekonda (E60 M5 i janë nevojitur 4.7 sekonda) ndërsa nga 0 deri 200 km/h shpejton për saktësisht 13 sekonda. Fuqia në rrotat e pasme transmetohet nëpërmjet ndërruesi me shtatë shpejtësi me lidhje të dyfishtë.
M-pakoja teknike, shtesa më e rëndësishme
Nga pajisjet tjera, shtesa më e rëndësishme është M-pakoja teknike e cila e rrit shpejtësinë maksimale nga 250 km/h në 305 km/h dhe M-diferenciali aktiv me shpërndarjen e momentit rrotullues.
Me vetë shikimin në fotografi mund të shohim se M5 është shumë i veçantë me “thithësit” e mëdhenj të ajrit në maskën para, me “kuartetin” e tubave shkarkues pas dhe rrotave 20-inç nga Z-kategoria e gomave. Ndërsa, më shumë detaje do të mund të mësojmë ditëve në vijim, pak para prezantimit të M5 të ri në “M Festivalin”.
