Google ka publikuar versionin stabile të Chrome 12. Versioni i ri sjell disa avancime dhe përmirësime për këtë browser.
Chrome në të ardhmen do t’ua tërheqë vërejtjen shfrytëzuesve kur “shkarkojnë” fajlla për të cilët ekziston rreziku që të kenë përmbajtje malinje. Po ashtu, ky browser ofron më shumë kontroll ndaj të dhënave të cilat web faqet i lënë në kompjuterët e shfrytëzuesve. Kjo ka të bëjë posaçërisht me Local Shared Objects që shfrytëzohet nga Flash i Adobes. Bashkëpunimi mes këtyre kompanive ka bërë që LSO tani të mund të kontrollohet nga Chrome, dhe jo vetëm përmes faqeve të Adobe. Browseri ka edhe përshpejtim më të mirë grafik si dhe përkrahje për 3D CSS.
Chrome 13, do të duhej të sillte, mes tjerash, edhe mundësinë e fshehjes së pjesës më të madhe të interfejsit.

About the Author

By Vnb-Snorki on 5:32 AM. Filed under 12 . Follow any responses to the RSS 2.0. Leave a response